Zelensky mbërriti në Uashington

Uashington, 18 gusht 2025

Presidenti ukrainas Volodymyr Zelensky ka konfirmuar se ka mbërritur në Uashington, ku do të takohet sot me Presidentin e SHBA-së Donald Trump dhe udhëheqësit evropianë.

“Ne të gjithë ndajmë një dëshirë të fortë për ta përfunduar këtë luftë në një mënyrë të shpejtë dhe të besueshme. Dhe paqja duhet të jetë e qëndrueshme. Jo siç ishte shumë vite më parë, kur Ukraina u detyrua të hiqte dorë nga Krimea dhe një pjesë e lindjes sonë – një pjesë e Donbasit – dhe Putini e përdori atë si një trampolinë për një sulm të ri. Apo kur Ukrainës iu dhanë të ashtuquajturat ‘garanci sigurie’ në vitin 1994, por ato nuk funksionuan”, shkroi Zelensky në një postim në platformën X.