Gjykata Speciale thotë se nuk ka vendim për ndalimin e vizitave

Hagë, 15 Gusht 2025

Gjykata Speciale ka bërë të ditur se deri në këtë moment nuk ka asnjë vendim për ndalimin e vizitave në Hagë për ish-presidentin Hashim Thaçi.

Për Tëvë1, nga kjo gjykatë është thënë se gjykatësja e Procedurës Paraprake do të ofrojë një arsyetim të detajuar në vendimin e saj.

“Dua t’ju informoj se, në këtë moment, nuk ka një vendim publik lidhur me kërkesën. Gjykatësja e Procedurës Paraprake do të japë një arsyetim të detajuar në vendimin e saj”, thuhet nga Specialja.

Ndërkohë, mediat në Kosovë kanë raportuar se ish-presidentit Thaçi i janë ndaluar vizitat nga 14 persona, përfshirë tre vëllezërit e tij.