Me 15 vjet burgim për dhunim gjatë luftës në Kosovë është dënuar Zhijovin Nesiq.
Gjykimi ndaj Nesiq është mbajtur i mbyllur për shkak të ndjeshmërisë së rastit.
Vendimi për dënimin e tij është marrë të martën në Gjykatën Themelore në Prishtinë.
Fatmire Haliti nga Qendra Kosovare për Rehabilitimit e të Mbijetuarve të Torturës (QKTMT), pas shpalljes së vendimit ka thënë se viktima e ka pritur me shumë emocione aktgjykimin.
“Ky vendim është mirëpritur edhe nga ne si organizatë por veçanërisht nga e mbijetuara të cilës vetëm sa ia komunikova lajmin edhe e ka pritur me mjaft emocione … Ky vendim i gjykatës sot është një satisfakcion për viktimën, që të paktën është shqiptuar një dënim prej 15 vjetësh burgim për të akuzuarin”, ka deklaruar Haliti.
Ajo ka thënë se presin që edhe për rastet e tjera të ketë drejtësi.
“Ky vendim do të jetë një rrugë e mbarë, një rrugë e mirë për të gjitha të mbijetuarat e tjera që janë në proces të gjykimit, ku kanë filluar edhe procese të tjera”, ka deklaruar Haliti.
Ministria e Arsimit ndan mbi 103 mijë euro për abetaret e diasporës 
Haxhiu për gërmimet në Kalludër: Zhvillim i rëndësishëm në përpjekjet për ndriçimin e fatit të të zhdukurve 
Publikohet lista preliminare e të vrarëve dhe të zhdukurve në luftë 
Prokuroria Speciale pritet të kërkojë paraburgim për dy të dyshuarit pas zbulimit të varrezës masive në Zubin-Potok 
Mitrovica investon në mirëmbajtje të ndriçimit publik 
Serbia i mbajti të fshehura krimet e kryera në Kosovë- Blakaj bën thirrje për ngritje të aktakuzave