Kaos total në Serbi – protestuesit thyejnë zyrat e partisë së Vuçiqit

Beograd, 14 gusht 2025

Qytetarë nga e gjithë Serbia u mblodhën të enjten për të protestuar pas incidenteve të shumta që ndodhën gjatë dy ditëve të fundit. Protestuesit u sulmuan nga mbështetës të Partisë Përparimtare Serbe, ndërsa policia, sipas dëshmitarëve, nuk reagoi ndaj këtyre sulmeve.

Sipas Deutsche Welle, regjimi i presidentit Aleksandar Vuçiq po përpiqet, përmes provokimeve dhe përdorimit të njësive paraushtarake, ta çojë vendin drejt një lufte civile.

Në Novi Sad, protestuesit kanë thyer zyrat e Partisë Përparimtare Serbe dhe kanë lyer me bojë muret e jashtme të tyre.

Një natë më parë, protestat kulmuan kur mbështetës të SNS-së përdorën mjete piroteknike për të sulmuar protestuesit. Ky incident shënon një përshkallëzim të mëtejshëm të protestave që po zgjasin prej nëntë muajsh, të nxitura nga tragjedia në stacionin hekurudhor ku humbën jetën 16 persona dhe nga akuzat për korrupsion. Ndërkohë, presioni ndaj Vuçiqit dhe partisë së tij po rritet vazhdimisht.