14 gusht, 2025
Dy personat e arrestuar në Serbi nën dyshimin për krime lufte të kryera në vitin 1999 në Rahovec nuk kanë qenë pjesëtarë të Ushtrisë Çlirimtare të Kosovës (UÇK), ka bërë të ditur kryetari i degës së Organizatës së Veteranëve të Luftës së UÇK-së në këtë qytet, Qemajl Krasniqi.
“Në cilësinë e kryetarit të degës së OVL-UÇK-së në Rahovec, deklaroj me përgjegjësi se emrat e tyre nuk figurojnë në listën tonë të veteranëve”, ka thënë Krasniqi.
Ministri i Punëve të Brendshme të Serbisë, Ivica Daçiq, ka konfirmuar se H. E. (1976) dhe B. E. (1973) janë arrestuar në pikën kufitare të Horgoshit, gjatë hyrjes në Serbi. Ata dyshohen se më 9 gusht 1999, në bashkëpunim me disa pjesëtarë të ashtuquajturës “UÇK”, duke përdorur forcë fizike, armë zjarri dhe kërcënime serioze për jetën, kanë rrëmbyer një civil të kombësisë serbe, J. M., dhe e kanë dërguar në një drejtim të panjohur. Që nga ajo kohë, atij i janë humbur të gjitha gjurmët dhe ende figuron si person i zhdukur.
Sipas njoftimit të Ministrisë së Punëve të Brendshme të Serbisë, të dyshuarve, me miratimin e Prokurorisë për Krime Lufte, u është caktuar masa e ndalimit prej 48 orësh, pas së cilës do të dërgohen në prokurorinë kompetente me kallëzim penal.
Muja takon qumështarët, thotë se secila pako e qumështit që futet në Kosovë do t’u nënshtrohet masave 
Kurti: Roli i KFOR-it mbetet thelbësor jo vetëm për sigurinë e vendit, por mbarë rajonit 
Delegacioni i Komitetit Ushtarak të NATO-s po qëndron për vizitë zyrtare në Kosovë 
90% e dëmeve në mjedis janë shkaktuar nga faktori njeri 
Murali me Qerkezin, simbolikë e plagës së hapur tash e gati tri dekada 
Inspektorati Qendror i Punës ndal 27 punime në ndërtimtari 
Vuçiq e pranon se serbët kanë kryer krime lufte në Kosovë 
Gjashtë nxënës nga Suhareka në Finalen e Olimpiadës Botërore të Matematikës në Frankfurt