Kosova pjesë e kontributit rajonal për sigurinë në Gazë, Shqipëria i bashkohet misionit

Prishtinë, 24 tetor 2026 07:43

Shqipëria ka nënshkruar marrëveshjen zyrtare me Bordin e Paqes për pjesëmarrje në Forcën Ndërkombëtare të Stabilizimit (ISF) në Gazë, ndërsa në njoftimin për marrëveshjen është veçuar edhe kontributi i Kosovës.

Sipas njoftimit, kontributi i Shqipërisë i bashkohet atyre të Kosovës dhe Marokut, të cilat konsiderohen pjesë e përpjekjeve ndërkombëtare për forcimin e sigurisë dhe stabilitetit në Gazë.

Marrëveshja e Shqipërisë parashikon mbështetje shtesë për operacionet e sigurisë, si dhe për kapacitetet e planifikimit operacional të misionit në Gazë.

Bordi i Paqes ka theksuar se kontributet e këtyre vendeve synojnë të mbështesin qeverisjen, sigurinë, përpjekjet humanitare, sundimin e ligjit dhe procesin e rindërtimit në Gazë.

Ceremonia e nënshkrimit të marrëveshjes së Shqipërisë është zhvilluar në mjediset e Shtabit të Përgjithshëm të Forcave të Armatosura të Shqipërisë.

Për Kosovën, përmendja në kuadër të këtij mekanizmi ndërkombëtar e vendos vendin krahas Shqipërisë dhe Marokut në kuadër të kontributeve për misionin e stabilizimit në Gazë.