Prishtinë, 22 zhtator 2026 17:19
Administratës Tatimore të Kosovës (ATK) i janë bashkuar 39 punonjës të rinj, të cilët do të angazhohen në inspektimin tatimor dhe mbledhjen e borxheve.
Nga punonjësit e rinj, 32 janë inspektorë fillestarë, ndërsa shtatë të tjerë janë përzgjedhur për pozitat e mbledhësve të borxheve, shkruan Veritasinfo.
Drejtori i Përgjithshëm i ATK-së, Mentor Hyseni, u ka uruar suksese punonjësve të rinj, duke theksuar përgjegjësinë që ata kanë në ushtrimin e detyrave të tyre.
“Ju uroj suksese në detyrat tuaja të reja dhe ju përgëzoj për rezultatet e treguara gjatë këtij procesi. Mbi 2,000 kandidatë kanë konkurruar për këto pozita, ndërsa ju tashmë mbani një përgjegjësi të rëndësishme për të dëshmuar profesionalizmin, integritetin dhe përkushtimin tuaj në shërbim të tatimpaguesve dhe shtetit”, tha Hyseni.
Sipas ATK-së, procesi i rekrutimit ka qenë publik dhe konkurrues. Në fazat e vlerësimit kanë marrë pjesë 1,887 kandidatë, ndërsa përzgjedhja është bërë nga një komision i jashtëm, mbi bazën e meritës, profesionalizmit, transparencës dhe objektivitetit.
Institucioni vlerëson se rekrutimi i punonjësve të rinj do të ndikojë në rritjen e kapaciteteve në fushën e inspektimit tatimor dhe mbledhjes së borxheve.
Sipas ATK-së, synimi është forcimi i administrimit të detyrimeve tatimore dhe ofrimi i një shërbimi më profesional për tatimpaguesit.
Lirohet nga autoritetet kroate shtetasi i Kosovës, Bajram Bajrami 
Nis beteja në Apel për katër ish-krerët e UÇK-së 
28 vjet nga rënia e Fehmi dhe Xhevë Lladrovcit 
13 vjet nga vrasja e doganierit të EULEX-it në veri, autorët ende të panjohur 
Në veri të Kosovës, tarifat e ujit do të fillojnë më 1 tetor 
Gjykata cakton seancën ndaj Muharrem Ibrajt për krime lufte, i kërkohet të dorëzohet 
Administrata Tatimore e Kosovës forcon inspektimin dhe mbledhjen e borxheve me 39 
Kurti kërkon mbështetjen e Kuvajtit që Kosova të fitojë statusin e vëzhguesit në OBI