Prishtinë, 2 gusht 2025
Marrëdhëniet bilaterale ndërmjet Kosovës dhe Shteteve të Bashkuara të Amerikës, si dhe bashkëpunimi në fushën e mbrojtjes, ishin ndër temat kryesore të një darke pune mes kryeministrit në detyrë, Albin Kurti, dhe zëvendësndihmëssekretarit amerikan të Mbrojtjes për Politika Evropiane dhe NATO, David Baker.
Sipas komunikatës nga Zyra e Kryeministrit, Kurti informoi zyrtarin amerikan për zhvillimet në vend, investimet në fushën e mbrojtjes gjatë mandatit të tij dhe theksoi rëndësinë e zgjerimit të shkëmbimeve tregtare dhe investimeve.
Kryeministri falënderoi SHBA-të për mbështetjen e vazhdueshme ndaj Kosovës dhe Forcës së Sigurisë së Kosovës (FSK), si dhe për rolin e tyre jetik në ruajtjen e sigurisë dhe paqes.
Gjithashtu, Kurti shprehu gatishmërinë e Qeverisë së Kosovës për të forcuar më tej bashkëpunimin me SHBA-në në fushën e mbrojtjes, përfshirë edhe industrinë e saj.
Në darkë morën pjesë edhe ministri në detyrë i Mbrojtjes, Ejup Maqedonci, drejtori i Agjencisë së Kosovës për Inteligjencë, Petrit Ajeti, si dhe e ngarkuara me punë në Ambasadën Amerikane në Prishtinë, Anu Prattipati.
Ministri francez për Evropën arrin në Kosovë për vizitë zyrtare 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe? 
Bajrami: Kosova meriton më shumë nga BE-ja 
Paunoviq mbron deklaratën për “spastrim etnkik” të Kosovës 
Qeveria miraton nismën për aderimin e Kosovës në zonën “EU Roam Like Home” 
Kurti: Formimi i institucioneve të reja është përgjegjësi e të gjitha partive politike 
Mbahet seanca gjyqësore për sulmin terrorist në kanalin Ibër-Lepenc 
Maqedonci: Qytetarët të ndihen të sigurt, FSK-ja çdo ditë e më e fortë 
Posta e Kosovës përkujton Adem Demaçin me pullë postare