Zubin Potok, 01 Gusht 2025
Kryetari i Komunës së Zubin Potokut, Izmir Zeqiri, ka publikuar një thirrje për konsultime publike lidhur me draft-statutin, logon dhe flamurin e komunës.
Siç ka bërë të ditur Zeqiri në profilin e tij në Facebook, debati publik është i hapur nga dje, përkatësisht nga data 31 korrik deri më 14 gusht 2025.
Qytetarët, sipas tij, mund të dërgojnë komentet, sugjerimet dhe vërejtjet e tyre përmes postës elektronike në adresën: [email protected].
Përveç konsultimeve online, komuna ka caktuar edhe takime fizike në Sallën e Kuvendit Komunal të Zubin Potokut, të cilat do të mbahen më 8 gusht 2025.
Orari është si vijon: në orën 09:00 për stemën, në orën 10:00 për flamurin, dhe në orën 11:00 për draft-statutin.
“Kjo nismë po realizohet në përputhje me Ligjin për Vetëqeverisje Lokale dhe Udhëzimin Administrativ për qeverisje të hapur në komuna, me qëllim të përfshirjes së qytetarëve në procesin e miratimit të akteve të rëndësishme lokale,” thuhet në njoftimin e Zeqirit, i cili njëkohësisht ka ftuar të gjithë të interesuarit që të marrin pjesë aktive në konsultimet publike.
Mitrovica mbështet 47 klube sportive me mbi 176 mijë euro subvencione 
Rreth 90% e sipërfaqeve të mbjella u dëmtuan nga breshëri i fuqishëm që goditi dje Istogun 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Podujeva me zonë të re ekonomike, nënshkruhet marrëveshja për Parkun e Përgjithshëm, me mbi 3 milionë euro investim 
Fillon nënshkrimi i peticionit `për një Ferizaj pa Uroshevac` 
Komuna e Gjilanit me Park Industrial 150 hektarësh 
Mbahet seanca gjyqësore për sulmin terrorist në kanalin Ibër-Lepenc 
Maqedonci: Qytetarët të ndihen të sigurt, FSK-ja çdo ditë e më e fortë 
Posta e Kosovës përkujton Adem Demaçin me pullë postare 
Ministri francez për Evropën arrin në Kosovë për vizitë zyrtare