Daçiç e quan Marrëveshjen e Brukselit mashtrim, por thotë se e dinin çfarë po firmosnin

Prishtinë, 28 korrik 2025

Ndonëse jo më larg se dje, Ministri i Punëve të Brendshme të Serbisë, Ivica Daçiç, kishte deklaruar  se Bashkësia Ndërkombëtare i kishe mashtruar atë dhe Serbinë me nënshkrimin e asaj Marrëveshjeje 12 vjet më parë, ai sot e ka mohuar një deklaratë të tillë.

“Ishte një mashtrim. Ne i lidhëm të gjitha ato marrëveshje me mirëbesim vetëm për të arritur kompromise që do të ishin në interes të të gjithëve në Kosovë”, dekalroi dje Daçiç.

Sot, Daçiç deklaroi se kurrë nuk ka thënë, dhe as nuk do të thoshte, se Serbia, Presidenti Aleksandar Vuçiç ose ai personalisht u mashtruan për të nënshkruar Marrëveshjen e Brukselit sepse, siç tha ai, kjo do të thoshte se ata nuk dinin se çfarë po nënshkruanin. Ai shtoi se në deklaratën e tij nënkuptonte zbatimin e marrëveshjes.

“Nuk kam thënë kurrë, as nuk do të thoja, se ne – Serbia, Aleksandar Vuçiç apo unë – u mashtruam për të nënshkruar Marrëveshjen e Brukselit. Një formulim i tillë do të nënkuptonte se nuk e dinim se çfarë po nënshkruanim, se nuk e kuptonim rëndësinë e dokumentit, ose se ishim të paaftë për të vlerësuar realitetin politik”, tha Daçiç vetëm disa orë pasi kishte deklaruar të kundërtën.