Prishtinë, 28 korrik 2025
Prishtinë – Gjykata Themelore në Prishtinë ka shpallur aktgjykim dënues ndaj Dejan Pantiq, Milun Milenkoviq dhe Aleksander Vlajiq për sulmin ndaj zyrave të KKZ-së në Mitrovicën e Veriut, më 6 dhjetor 2022. Pantiq u dënua me 2 vjet burg, ndërsa Milenkoviq dhe Vlajiq me nga 5 vjet. Miomir Vakiq u shpall i pafajshëm dhe u lirua nga akuza.
Aktgjykimi u shpall të hënën nga gjyqtari Valon Kurtaj. Milenkoviq dhe Vlajiq u dënuan për vepër penale terroriste, ndërsa Pantiq për “pjesëmarrje në turmë që kryen vepër penale dhe huliganizëm”. Të treve do t’u llogaritet koha e kaluar në paraburgim. Milenkoviq mbetet në paraburgim.
Të dënuarit obligohen të paguajnë shpenzimet gjyqësore dhe kontributin për fondin e viktimave. Komisioni Komunal Zgjedhor u udhëzua për kërkesën pasurore-juridike në kontest civil.
Ndaj aktgjykimit mund të bëhet ankesë. Në seancën fillestare më 30 janar 2024, të katërtit ishin deklaruar të pafajshëm.
Sipas aktakuzës, më 6 dhjetor 2022 ata kishin hedhur granata dhe shok-bomba ndaj zyrave të KKZ-së. Aktakuza u ngrit më 13 dhjetor 2023 nga PSRK.
Dejan Pantiq ishte arrestuar më 10 dhjetor 2022 në Jarinjë. Fillimisht i ishte caktuar paraburgim, e më pas arrest shtëpiak. Arrestimi i tij kishte shkaktuar tensione dhe vendosje të barrikadave në veri.
BQK dhe ATK nënshkruajnë Marrëveshje Bashkëpunimi për avancimin e shkëmbimit të informacionit dhe forcimin e integritetit financiar 
Konfirmohet lista me pesë kandidatë për Kryeprokuror të Shtetit 
Turizmi gjeneroi mbi 248 milionë euro gjatë vitit 2025 
Gërvalla: Sundimi i ligjit forcon Republikën dhe besimin në institucione 
Nisin punimet për stabilizimin e rrëshqitjes në rrugën Klinë–Gurrakoc, investohen mbi 373 mijë euro 
Vdekjet në punë mbeten shqetësim shoqëror – 31 viktima vitin e kaluar, 12 të tjera këtë vit 
Një muaj paraburgim për tre të arrestuarit, dyshohen edhe për financim të terrorizmit 
Rasti “MEGA”, Prokurori Kodraliu thotë se Agjencia e Kosovës për Inteligjencë dhe FBI luajtën rol kyç 
Komunikimet e grupit që dyshohet se merreshin me barrikada, zbulohet mesazhi i ditës kur u sulmua KFOR-i në Zveçan