Vuçiç thotë se priten tërheqje të reja të njohjes së Kosovës, nga dy pjesë të ndryshme të botës

Pragë,14 Qershor 2025

Presidenti i Serbisë, Aleksandar Vuçiç, tha dje në Pragë se së shpejti do të ketë tërheqje të reja të njohjes së pavarësisë së Kosovës, nga dy pjesë të ndryshme të botës.

“Serbia është e vendosur të punojë për ruajtjen e integritetit të saj territorial, në luftën kundër kundërshtarëve të fuqishëm në këtë çështje, siç është Turqia dhe të tjerë që po punojnë aktivisht për njohjen e Kosovës. Për partnerët tanë që po luftojnë për njohjen e Kosovës, së shpejti do të kemi surpriza nga dy pjesë të ndryshme të botës që po luftojnë për njohjen e Kosovës, kështu që do t’i përgjigjemi me njohje”, tha Aleksandar Vuçiç për mediat serbe në margjinat e konferencës së sigurisë “GLOBSEC”.