Asociacioni i Gazetarëve të Kosovës (AGK) ka mirëpritur aktakuzën e ngritur nga Prokuroria Speciale kundër deputetit të Kuvendit të Kosovës, Slavko Simiq, dhe një personi tjetër me inicialet U.V., për sulmet ndaj gazetarëve më 16 qershor 2023 në Leposaviq.
Sipas Prokurorisë, Simiq akuzohet për veprën penale “Pjesëmarrja në turmë që kryen vepër penale dhe huliganizmi”, pasi dyshohet se me dashje ka marrë pjesë në një turmë prej më shumë se tetë personash, të cilët sulmuan gazetarët me shok bomba, grushte, shqelma dhe mjete të forta si tulla dhe kube betoni, duke shkaktuar lëndime të rënda trupore për dy prej tyre.
Po ashtu, i pandehuri U.V. akuzohet për veprat penale “Sulmi” dhe “Pjesëmarrja në turmë që kryen vepër penale dhe huliganizmi”, për përfshirje direkte në përdorimin e forcës ndaj gazetarëve.
AGK-ja thekson se do ta ndjekë nga afër procesin gjyqësor dhe insiston që drejtësia të veprojë pa vonesa. “Asociacioni angazhohet që të gjitha sulmet ndaj gazetarëve në maj dhe qershor 2023 të marrin dënimet e merituara nga sistemi i drejtësisë”, thuhet në reagimin e AGK-së.
Gjatë incidentit të 16 qershorit 2023 në Leposaviq, së paku nëntë gazetarë dhe kameramanë u lënduan, ndërsa më së rëndi u godit kameramani i RTK-së, Bardh Bekteshi, nga një turmë e maskuar që veproi me dhunë ndaj përfaqësuesve të mediave./BetimipërDrejtësi
Reuten: Ka ardhur koha që pesë vendet e BE-së ta njohin Kosovën 
Mijaçiq: Banjska është rënia e politikës së Vuçiqit në Kosovë 
VV-ja fton PDK-në e LDK-në t’i propozojnë tre emra për president 
Sot seancë e jashtëzakonshme – në rend dite plotësimi i ligjit mbi ndarjet buxhetore 
SHBA paralajmëron Serbinë: Shmangni partnerët e pasigurt dhe afrohuni me Perëndimint 
Vuçiq në mbrojtje të Mlladiqit, një sfidë e hapur ndaj drejtësisë dhe viktimave 
KEK-u thotë se është stabilizuar sistemi i elektrofiltrave në “Kosova A” 
Mitrovicë: Inspekcioni komunal ndalon ndërtimet në 5 lokacione 
Ish-kryetarët e komunave veriore të pakënaqur me qeverisjen aktuale, ankohen për pezullim të shërbimeve