Prishtinë, 19 qershor 2026 18:32
Ministrja në detyrë e Kulturës dhe Turizmit, Saranda Bogujevci, ka njoftuar se Kosova po përfaqësohet në edicionin e 16-të të Manifestës, një prej ngjarjeve më të rëndësishme të artit bashkëkohor në Evropë, e cila është hapur sot në rajonin Ruhr të Gjermanisë.
Sipas Bogujevcit, artistja kosovare Albe Hamiti është pjesë e kësaj platforme prestigjioze me video-instalacionin “De-Life”, një vepër e krijuar posaçërisht për këtë edicion dhe e ekspozuar në qytetin e Bochumit.
Ajo theksoi se vepra trajton tema që lidhen me ndjenjat njerëzore, izolimin dhe raportin e njeriut me mjedisin përreth, duke sjellë një reflektim të thellë artistik.
“Është kënaqësi e veçantë të shohësh artin tonë të jetë pjesë e një platforme kaq të madhe ndërkombëtare”, ka shkruar Bogujevci.
Manifesta 16 këtë vit zhvillohet në disa qytete të rajonit Ruhr, duke shndërruar hapësirat urbane dhe ish-objektet industriale në vende të reja të dialogut artistik.
Pjesëmarrja e artistes Albe Hamiti është mbështetur nga Ministria e Kulturës, si pjesë e angazhimit për promovimin dhe ndërkombëtarizimin e artit bashkëkohor shqiptar.
Xhamia e Burojës drejt përfundimit të restaurimit, së shpejti i kthehet komunitetit 
Muzeu Etnologjik i Kosovës – dy dekada në promovimin e etnokulturës dhe trashëgimisë kulturore 
Në vitin 1889, Krusheva kishte rreth 160 shtëpi shqiptare 
“Summer Culture” sjell në Kosovë artistë nga vende të ndryshme të botës 
Përmbyllet edicioni i 18-të i PriFest, ndahen çmimet kryesore 
Mitrovica International Jazz Days: Edicioni i katërt sjell emra të njohur botërorë 
Kosova dhe SHBA-ja forcojnë partneritetin në mbrojtje, synohet avancimi i kapaciteteve të FSK-së 
Gjykata Kushtetuese: Kuvendi është konstituar, formimi i Qeverisë nuk është antikushtetues 
Islami: Serbia vazhdon luftën hibride dhe propagandën kundër institucioneve të Kosovës 
Sadiku siguron medalje evropiane në boks