Prishtinë, 16 qershor 2026 09:39
Kryetari i Komunës së Obiliqit, Halil Thaçi, ka shpalosur projektet kryesore që pritet të realizohen gjatë vitit 2026, duke vënë theksin te investimet në infrastrukturë, shërbime publike dhe mirëqenien e qytetarëve.
Mes projekteve të planifikuara, Thaçi ka ndarë edhe një lajm që e ka cilësuar si shumë të rëndësishëm për banorët e komunës. Ai ka bërë të ditur se nga 1 qershori i këtij viti, qytetarët e Obiliqit nuk kanë më obligim të paguajnë faturat për grumbullimin e mbeturinave.
Sipas tij, këto pagesa tashmë do të mbulohen nga vetë Komuna e Obiliqit, duke lehtësuar barrën financiare për familjet dhe duke siguruar një shërbim më të qëndrueshëm për menaxhimin e mbeturinave.
“Qytetarët e Obiliqit prej 1 qershorit nuk i detyrohen më kompanisë për mbeturinat. Këtë obligim do ta marrë përsipër komuna”, ka deklaruar Thaçi.
Ky vendim pritet të prekë drejtpërdrejt mijëra qytetarë, të cilët nuk do të kenë më nevojë të paguajnë faturat mujore për këtë shërbim. Në të njëjtën kohë, komuna synon të garantojë vazhdimësinë dhe cilësinë e shërbimit të grumbullimit të mbeturinave në të gjitha zonat e saj.
Krahas kësaj mase, Thaçi ka paralajmëruar edhe realizimin e projekteve të tjera zhvillimore gjatë vitit 2026, të cilat synojnë përmirësimin e kushteve të jetesës dhe rritjen e cilësisë së shërbimeve për qytetarët e Obiliqit.
Shtrirje e institucioneve të Kosovës në veri, Kompania e Ujësjellësit “Mitrovica” vendoset në Leposaviq bashkë me flamurin e Republikës 
Mitrovica mbështet 47 klube sportive me mbi 176 mijë euro subvencione 
Rreth 90% e sipërfaqeve të mbjella u dëmtuan nga breshëri i fuqishëm që goditi dje Istogun 
MAPL nuk lejon realizimin e muralit të ish-Patriarkut serb, Pavle, në hapësirën publike në Mitrovicë të Veriut 
Podujeva me zonë të re ekonomike, nënshkruhet marrëveshja për Parkun e Përgjithshëm, me mbi 3 milionë euro investim 
Fillon nënshkrimi i peticionit `për një Ferizaj pa Uroshevac` 
Qeveria ndan 1.4 milionë euro për pakon e Ringjalljes Ekonomike 
Bastisje në veri për krime lufte: Sekuestrohen dëshmi ndaj të dyshuarit, si pjesëtar i ish-armatës jugosllave 
Varreza masive në Zubin Potok, zbardhen dëshmitë e para të krimit serb ndaj shqiptarëve 
Gjendet municion në varrezën masive në Zubin-Potok