Prizren, 25 Korrik 2025
Një 29-vjeçar ka ndërruar jetë në orët e para të mëngjesit së sotëm në oborrin e Spitalit Rajonal të Prizrenit. Ngjarja është raportuar në orën 08:45.
Lajmin e ka konfirmuar zëdhënësi i Policisë për Rajonin e Prizrenit, Shaqir Bytyqi, duke sqaruar se vdekja ka ndodhur pas përkeqësimit të gjendjes shëndetësore të pacientit, derisa ndodhej në hapësirat e jashtme të spitalit.
“Sipas informacioneve fillestare, gjendja shëndetësore e personit është përkeqësuar derisa ndodhej në oborrin e Spitalit dhe, përkundër përpjekjeve për ndihmë mjekësore, ai ka vdekur”, deklaroi Bytyqi.
Sipas Policisë, viktima me inicialet L.K., 29 vjeç nga Prizreni kishte qenë i hospitalizuar në këtë institucion shëndetësor që nga data 23 korrik 2025.
“Njësitet relevante të Policisë kanë dalë në vendin e ngjarjes menjëherë pas marrjes së informatës. Pas përfundimit të ekzaminimeve në vendin e ngjarjes, me urdhër të prokurorit, trupi i pajetë është dërguar në Institutin e Mjekësisë Ligjore për obduksion.”
Policia ka nisur hetimet për këtë rast, i cili aktualisht është cilësuar si “Hetim i vdekjes”.
Ngrihet aktakuzë për keqpërdorim e mashtrim në prokurimin publik dhe falsifikim të dokumentit 
Procedurat e Apelit që duhen ndjekur mbrojtjet e ish-krerët e UÇK-së 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme 
Video-lajm: Protuestuesit revoltohen para ndërtesës së EULEX-it 
Joseph: Serbia, Rusia dhe Kina do të përpiqen ta izolojnë edhe më shumë Kosovën 
Nga mediat ruse te portalet serbe në Kosovë – si përhapet lufta hibride? 
Policia jep detaje për protestat pas vendimit të Speciales: Dy të arrestuar, gurë e tentativa për depërtim