IPK hap zyra të reja në Mitrovicën e Veriut

Mitrovicë e Veriut, 18 Korrik 2025

Inspektorati Policor i Kosovës hap zyra të reja në Mitrovicën e Veriut

Inspektorati Policor i Kosovës (IPK) ka hapur sot zyrat e reja në Mitrovicën e Veriut. Ato janë vendosur në lagjen e Boshnjakëve, në rrugën “Çlirimi”, në objektin e Ministrisë së Punëve të Brendshme.

Ministri i Punëve të Brendshme, Xhelal Sveçla, dhe kryeshefi i IPK-së, Kushtrim Hodaj, këtë hap e kanë vlerësuar si përmirësim të shërbimeve dhe forcim të besimit të qytetarëve në sundimin e ligjit.

IPK ka ofruar shërbime në Mitrovicën e Veriut që nga viti 2015, fillimisht në një objekt me qira në rrugën “Mbreti Peter”. Zyrat e reja do të jenë në shërbim të qytetarëve nga e hëna deri të premten, prej orës 08:00 deri në 16:00, thuhet në komunikatën për media.