Shtime, 14 Korrik 2025
Një person ka pësuar lëndime trupore pasi dyshohet se është plagosur të dielën në fshatin Mollopolc të Shtimes.
Zëdhënësi i Policisë për rajonin e Ferizajt, Kanun Veseli, ka thënë për KOHËN se viktima ka pranuar trajtim mjekësor, ndërsa i dyshuari E.M. 32-vjeçar, gjendet në arrati.
Sipas Policisë, rasti ka ndodhur si pasojë e një mosmarrëveshje të mëparshme mes palëve.
“Gjatë ekzaminimit të vendit të ngjarjes, janë gjetur dhe sekuestruar dy gëzhoja. Bazuar në të dhënat e para, dyshohet se si pasojë e një mosmarrëveshjeje të mëparshme, i dyshuari E.M. (32 vjeç), ka shtënë disa herë me armë zjarri në drejtim të viktimës R.P. (38 vjeç), duke e plagosur. Pas incidentit, i dyshuari është larguar nga vendi i ngjarjes në drejtim të panjohur. Viktima ka kërkuar ndihmë në oborrin e një shtëpie afër vendit të ngjarjes, ku është hasur nga ekipi i emergjencës së QKMF-së dhe i është ofruar ndihma e parë mjekësore. Me autorizim të prokurorit të shtetit, është kryer bastisje në shtëpinë e të dyshuarit E.M., mirëpo ai nuk është hasur aty dhe aktualisht ndodhet në arrati”, ka thënë Veseli.
Për gjashtë muaj, 46 viktima në 45 aksidente fatale 
Lirohet i riu nga Kosova që u ndalua nga policia serbe në Horgosh 
Policia mohon arrestimin e shtetasit turk: U paraqit si ankues, pas intervistimit u lirua 
Policia: Krimet e luftës të raportohen vetëm te Drejtoria për Hetim 
Edhe 30 ditë paraburgim pjesëtarit serb të MUP-it, V.M. dyshohet se kidnapoi Milan Vukashinoviqin në Leposaviq 
Arrestohet një shtetas turk, i dyshuar për pjesëmarrje në Masakrën e Krushës 
Kosova e mbyll me fitore Kampionatin Ballkanik U17, mposht Moldavinë në tre sete 
Boksieri shqiptar përballet sonte me Anthony Joshuan