Boksierja Donjeta Sadiku e hatashme, arrin në finale të turneut “Strangja”

Prishtinë, 28 shkurt 2026 21:45

Donjeta Sadiku ka fituar edhe meçin e gjysmëfinales në turneun prestigjioz të boksit amator “Strangja”, i cili po mbahet në Sofje.

Me një përformancë të shkëlqyer, Sadiku arriti të kalojë në finale në kategorinë deri në 60 kilogramë. Ajo e mposhti egjiptianen, Ayyad Yomna në tre raunde.

Me këtë fitore, Donjeta tashmë ka siguruar medalje, por synimi i saj mbetet medalja e artë. Vitin e kaluar ajo triumfoi në këtë turne, i cili njihet si më i vjetri në boksin amator në Evropë.

Sadiku në dy përballjet e fundit i fitoi me rezultat 5-0 ndaj boksieres nga Çekia, Barbora Maxova dhe ukrainasen, Veronika Korets poashtu me rezultat të pastër 5-0.

Meçin final Donjeta do ta zhvillojë të dielën, nga ora 14:00.