Kryeziu del nga shtegu në skijimin alpik në ‘Milano-Cortina 2026’

Prishtinë 12 shtator 2026 14:15

(E plotësuar) Skitarja kosovare Kiana Kryeziu mori pjesë në disiplinën e skijimit alpik – Super G për femra, në Lojërat Olimpike Dimërore “Milano-Cortina 2026”. Gara pati 43 pjesëmarrëse dhe konsiderohet një nga disiplinat më sfiduese të sporteve dimërore.

Kiana Kryeziu u përball me elitën botërore të skijimit alpik, por fatkeqësisht doli jashtë shtegut, një situatë që përjetuan edhe shumë nga garueset e tjera.

Fituesja e garës u bë skitarja italiane Federica Brignone me kohë 1:23.41, e ndjekur nga francezja Romane Miradoli me +0.41 sekonda diferencë dhe C. Huetter me +0.52. Tabela e pjesës së parë të renditjes është si vijon:

Federica Brignone (Italia) – 1:23.41

Romane Miradoli (Francë) +0.41

C. Huetter +0.52

C. Cerutti +1.03

A. Robinson +1.03

RTK do të vazhdojë të sjellë nga afër emocionet dhe rezultatet e skitarëve kosovarë dhe të garuesve të tjerë deri në përfundim të Lojërave Olimpike Dimërore “Milano-Cortina 2026”.Kiana gati për garën në skijimin alpik, Super G, në ‘Milano-Cortina’

(E plotësuar, 12:10)Skitarja Kiana Kryeziu që përfaqëson Kosovën në Lojërat Olimpike Dimërore “Milano-Cortina 2026”, pas pak çastesh do të nis garën në disiplinën e skijimit alpik, Super G (femrat.

Kryeziu po përballet me eliten botërore të skijimit alpik, në një pjesëmarrje me 43 skitare, në një nga disiplinat më sfiduese të sporteve dimërore.

Në këtë garë sot paraqiten 43 sportiste nga shumë shtete pjesëmarrëse në këto gara, në Lojërat Olimpike Dimërore. Kiana Kryeziu, është e parafundit, e 42 me radhë.

Kiana Kryeziu dhe Drin Kokaj, janë dy skitarët tanë, që përfaqësojnë Kosovën në Lojërat Olimpike Dimërore “Milano-Cortina 2026”.

Radiotelevizioni i Kosovës (RTK), si transmetues ekskluziv për territorin e Kosovës, transmeton edhe këtë garë olimpike në “Milano-Cortina 2026”.