Prishtinë 12 shtator 2026 08:12
Pas më shumë se një viti bllokim, formimi i qeverisë së re të Kosovës është mirëpritur nga përfaqësuesja e lartë e Bashkimit Evropian për Politikë të Jashtme dhe Siguri, Kaja Kallas.
Kallas e cilësoi këtë zhvillim si një lajm inkurajues, shkruan IndeksOnline.
Përmes një postimi publik, Kallas ka uruar kryeministrin Albin Kurti për formimin e ekzekutivit të ri, duke theksuar se tashmë fokusi duhet të jetë te përshpejtimi i reformave.
Mes të tjerash, në postimin e Kallas thuhet:
“Pas më shumë se një viti bllokim politik, formimi i qeverisë së re të Kosovës është një lajm inkurajues. Urime Albin Kurti!
Tani ajo që ka rëndësi është që të ecë me shpejtësi me reformat. Kjo është mënyra më e shpejtë për të zhbllokuar mbështetjen e BE-së me vlerë qindra miliona euro dhe për të pasur përparim në rrugën e saj drejt BE-së.
Ky është një moment i ri për të avancuar marrëdhëniet BE-Kosovë dhe dialogun Beograd-Prishtinë. Jam gati të organizoj një takim të nivelit të lartë së shpejti.”
Haxhiu për 1 Majin: Të njihet dhe vlerësohet puna e çdo punëtori në Kosovë 
Për 48 orë u ndaluan punimet në 14 vendpunishte të ndërtimtarisë 
Hyn në fuqi marrëveshja, sërish lëvizje e lirë kufitare mes Shqipërisë dhe Kosovës 
Haxhiu: E mirëpres prezantimin e rezolutës në Kongresin Amerikan në mbështetje të anëtarësimit të Kosovës në NATO 
Publikohen çmimet e derivateve për sot në Kosovë 
36 vjet nga pajtimi i gjaqeve te Verrat e Llukës