Mitrovica drejt transformimit mjedisor me projektin më të madh pasluftës

Mitrovicë, 4 shkurt 2026 15:22

Mitrovica pritet të hyjë në një fazë të re zhvillimi mjedisor, pasi këtë vit nis realizimi i projektit më të madh investiv të pasluftës në këtë qytet. Bëhet fjalë për projektin “Impianti i Trajtimit të Ujërave të Zeza”, me vlerë rreth 40 milionë euro, i cili pritet të ketë ndikim të drejtpërdrejtë në përmirësimin e cilësisë së jetës dhe mbrojtjen e mjedisit, përcjell Veritasinfo.
Kryetari i Komunës së Mitrovicës, Faton Peci, ka bërë të ditur se projekti do të fillojë gjatë këtij viti, duke e cilësuar atë si një investim historik për qytetin. “Këtë vit fillon projekti më i madh investiv në Mitrovicën e pasluftës”, ka theksuar Peci, duke nënvizuar rëndësinë strategjike që ky impiant ka për të ardhmen e qytetit.
Sipas tij, ndërtimi i impiantit do të ndikojë drejtpërdrejt në pastrimin e lumenjve të Mitrovicës. “Lumenjtë e qytetit do të jenë të pastër”, ka deklaruar kryetari, duke shtuar se ky projekt është një hap konkret drejt një Mitrovice më të shëndetshme dhe më të qëndrueshme.