Prishtinë, 2 shkurt 2026, 21:27
Në një kohë kur ritmi i jetës po bëhet gjithnjë e më i shpejtë, udhëtimi me tren mbetet një nga mënyrat më të qeta, më të sigurta dhe më romantike për të eksploruar Kosovën. Përtej funksionit praktik të transportit, treni ofron një përvojë unike, duke e lidhur udhëtarin me natyrën, qytetet dhe historinë e vendit.
Ndërmarrja Hekurudhat e Kosovës – Trainkos Sh.A., përmes një njoftimi të publikuar në faqen e saj zyrtare, ka renditur disa nga arsyet pse udhëtimi me tren nëpër Kosovë është i dobishëm.
“Ja pse gjithnjë e më shumë njerëz e zgjedhin atë: rehati më e madhe dhe më shumë hapësirë, miqësor ndaj mjedisit me ndotje minimale, më ekonomik krahasuar me mjetet e tjera të udhëtimit, pa trafik, pa stres, pa parkim, pamje të mrekullueshme të natyrës së Kosovës dhe një nga mënyrat më të sigurta të udhëtimit”, thuhet në njoftimin e Trainkos.
Për më tepër, udhëtimi me tren krijon hapësirë për reflektim, lexim apo biseda të ngrohta mes udhëtarëve – një përvojë sociale që shpesh mungon në udhëtimet moderne. Ai përfaqëson një mënyrë për ta përjetuar Kosovën jo vetëm si destinacion, por si një rrugëtim të veçantë.
Vrasje, trajtim çnjerëzor, shkatërrim i pasurisë dhe spastrim etnik – Dosja e Prokurorisë Speciale ndaj 5 të arrestuarve për masakrën e Reçakut 
Kurti: Arsimi gjithëpërfshirës është investim për një shoqëri më të drejtë 
Një muaj paraburgim për 16-vjeçarin për vrasjen në Kobaj të Prizrenit 
Instituti Kombëtar i Shëndetësisë Publike apelon për vaksinimin e fëmijëve pas rasteve me fruth në Kosovë 
Prokuroria kërkon që lënda ndaj Çedomir Aksiqit të bashkohet me atë ku akuzohet bashkë me 20 të tjerë për masakrën e Reçakut 
FSK dhe FARSH trajnohen për veprime të përbashkëta 
Rritet interesimi i të rinjve për FSK, 234 aplikime për 44 vende 
SHBA-ja dhe Irani nënshkruajnë memorandumin për t’i dhënë fund luftës katërmujore