Prishtinë 2 Shkurt 2026 13:54
Gjykata Themelore e Prishtinës edhe në rigjykim e ka dënuar me 13 vjet burgim të akuzuarin për krime lufte në Izbicë Muhamet Alidemajt.
“… Është fajtor se ka kryer veprën penale të bashkëkryerjes ‘Krim i luftës kundër popullsisë civile’ të sanksionuar sipas nenit 142 lidhur me nenin 22 të ish-ligjit penal të Republikës Socialiste Federative të Jugosllavisë … të akuzuarin Muhamet Alidemaj e shpall fajtor dhe e gjykon me dënim me burgim në kohëzgjatje prej 13 vjetësh”, ka thënë kryetari i trupit gjykues, Vesel Ismaili, në seancën e mbajtur të hënën ku është shpallur aktgjykimi.
Ismaili ka theksuar se në dënim do t’i llogaritet edhe koha e kaluar nën masën e paraburgimit, nga 31 marsi i viti 2021.
Gjykata Themelore në Prishtinë më 12 korrik 2024 e pati shpallur Alidemajn fajtor dhe e pati dënuar me 15 vjet burgim.
Por, Gjykata e Apelit e ka kthyer rastin në rigjykim.
Në aktgjykimin e shkallës së dytë thuhej se në të mungojnë arsyet për faktet vendimtare që nuk janë vlerësuar në mënyrë të plotë.
Sipas aktakuzës, i pandehuri më 28 maj të vitit 1999, në bashkëkryerje me persona të tjerë të forcave serbe, ka marrë pjesë në masakrën e Izbicës të Komunës së Skenderajt.
Paraqiten katër kërkesa në protestën e organizuar nga Organizata e Veteranëve të Luftës së UÇK-së 
Nis protesta në sheshin e Prishtinës, në mbështetje të ish-pjesëtarëve të Ushtrisë Çlirimtare të Kosovës 
Galica: Brovina ishte luftëtare e UÇK-së, ajo nuk u ndal as kur u burgos 
“Jo në emrin tonë”, Këshilli i Ambasadorëve reagon pas aktgjykimit ndaj krerëve të UÇK-së 
Sot i jepet lamtumira e fundit Flora Brovinës 
Sot në 12:00 protestë gjithëpopullore 
Përgatitje e avancuar për pjesëtarët e FSK-së në qitje precize 
Foda publikon listën zyrtare të Kosovës, shumë risi dhe mungesa të mëdha