Eksplozivi i gjetur në Zubin Potok nga policia dyshohet se është prodhim i kompanisë serbe nga Krushevaci

Prishtinë, 27 janar 2026 21:08

Lokacioni i fabrikës gjendet në Krushevac të Serbisë.

Kjo fabrikë e cila daton nga viti 1889 e që bën prodhimi e eksplozivëve, një pjesë të materialit eksplodues dyshohet se e solli edhe në veriun e Kosovës.

Bëhet fjalë për 152 kilogramët eksploziv, të cilat Policia e Kosovës i gjeti para pak ditësh në një shtëpi të braktisur në Zubin Potok.

Tëvë1 ka mësuar se nga hetimet fillestare të organeve të rendit, po del se eksplozivi është prodhim i kompanisë serbe “Trayal”, në pronësi të biznesmenit serb Millosh Neneziq, i afërt më presidentin serb, Aleksandar Vuçiq.

I njëjti eksploziv është i publikuar edhe në faqen zyrtare të kompanisë “Trayal”, me të gjitha të dhënat për të.

Sipas këtyre burimeve, dyshimet janë se ky eksploziv është vendosur në këtë shtëpi, që prej kohës së sulmit terrorist në Banjskë të Zveçanit.