Graçanicë, 31 dhjetor 2025 08:13
Leutrim Ajeti është emëruar për herë të dytë nënkryetar i Komunës së Graçanicës për komunitete.
Kuvendi Komunal i Graçanicës ka votuar për emërimin e Leutrim Ajetit si Nënkryetar i Komunës për Komunitete, për herë të dytë radhazi. Ky vendim vjen pas zgjedhjeve të tetorit, ku qytetarët e kanë mbështetur masivisht kandidaturën e tij për kryetar.
Në një deklaratë të tij pas emërimit, Ajeti falenderoi qytetarët për besimin e dhënë:
“Falenderim i veçantë për të gjithë votuesit që më besuan në zgjedhjet e tetorit të këtij viti. Premtoj se do të punoj për të mirën e të gjithë qytetarëve, pa dallim, duke çuar përpara projekte që përmirësojnë jetën e tyre.”
Si Nënkryetar, Ajeti u zotua për bashkëpunim të ngushtë me institucionet lokale dhe ato qendrore:
“Do të bashkëpunoj ngushtë me legjislativin dhe ekzekutivin e Komunës, si dhe me nivelin qendror, për të realizuar projektet që kanë impakt të drejtpërdrejtë në komunitet.”
Me këtë emërim, Leutrim Ajeti vazhdon rrugën e tij në shërbim të qytetarëve të Graçanicës, duke synuar të forcojë bashkëjetesën dhe zhvillimin e qëndrueshëm të komunës.
Lista Serbe zvarrit zgjedhjen e nënkryetarëve shqiptarë në komunat veriore 
Video-lajm: Vite të tëra pa përfunduar, objekti sportiv mbetet dëshmi e keqmenaxhimit nga Lista Serbe 
Krasniqi kërkon nga tri komunat e veriut emërimin e nënkryetarëve për komunitete 
Beton në vend të terrenit sportiv: Salla e papërfunduar që ngre pikëpyetje për premtimet e Listës Serbe 
Ministria rrëzon kërkesën e Komunës së Mitrovicës së Veriut për heqjen e instalacionit “E dua Mitrovicën” 
Kandiqi i reagon Daçiqit: Politika jote rezultoi me varreza masive t`shqiptarëve 
Protestuesit përleshen me policinë para objektit të Qeverisë 
Hamza: Vendimi ndaj krerëve nuk u bë në emër të popullit, por kundër shtetit të Kosovës 
Kurti: Aktgjykimi ndaj ish-krerëve të UÇK-së është padrejtësi e papranueshme