Prishtinë 16 Dhjetor 2025 13:29
Më 26 dhjetor, presidentja e shtetit, Vjosa Osmani do të zhvillojë pritjen e fundvitit për mërgatën. Presidenca thotë se kjo pritje do të organizohet në shenjë falënderimi për kontributin e tyre për Kosovën.
Ftesën për këtë pritje e ka bërë publike këshilltarja e presidentes Osmani, Donika Kadaj Bujupi.
“Në emër të Shkëlqesisë së Saj, presidentes së Republikës së Kosovës, Vjosa Osmani-Sadriu, kemi nderin t’ju ftojmë në pritjen tradicionale të fundvitit me mërgatën, në shenjë falënderimi e mirënjohjeje për kontributin e mërgatës sonë e cila mbetet gjithmonë e lidhur ngushtë me Kosovën”, thuhet ndër të tjera në këtë ftesë.
Presidenca thotë se mbrëmja i kushtohet rolit të mërgatës për liri e shtetndërtim.
“Pjesëmarrja juaj do të nderojë këtë mbrëmje të dedikuar rolit të pazëvendësueshëm të mërgatës sonë në lirinë, shtetndërtimin dhe zhvillimin e Republikës së Kosovës”, thuhet ndër të tjera aty, derisa të interesuarve u është bërë lutje që pjesëmarrjen ta konfirmojnë më së largu deri më 24 dhjetor, dy ditë para se të ndodhë pritja presidenciale për mërgatën.
Nis protesta në sheshin e Prishtinës, në mbështetje të ish-pjesëtarëve të Ushtrisë Çlirimtare të Kosovës 
Galica: Brovina ishte luftëtare e UÇK-së, ajo nuk u ndal as kur u burgos 
“Jo në emrin tonë”, Këshilli i Ambasadorëve reagon pas aktgjykimit ndaj krerëve të UÇK-së 
Sot i jepet lamtumira e fundit Flora Brovinës 
Sot në 12:00 protestë gjithëpopullore 
Thaçi mohon çfarëdo përfshirje në vrasje 
Senatorja Jeanne Shaheen: Serbia dhe Republika Sërpska kanë lidhje me Rusinë dhe interes për destabilizimin e rajonit