Çanak: Regjimi më kërcënon mua dhe familjen time, çfarëdo që të ndodhë përgjegjës do të jetë personalisht Vuçiç

Beograd, 28 Qershor 2025

Ish-kryetari i Kuvendit të Vojvodinës dhe ish-kreu i Lidhjes së Social Demokratëve të Vojvodinës, Nenad Çanak, akuzoi shërbimet e sigurisë në Serbi se kishin hyrë në apartamentin e tij dhe kishin marrë sende personale në të njëjtën mënyrë siç kishin bërë në vitet e ’90-ta. Ai u tha gazetarëve se kërcënimet iu dërguan indirekt djalit të tij Milanit.

Çanak theksoi se Presidenti i Serbisë, Aleksandar Vuçiç, do të jetë personalisht përgjegjës për gjithçka që i ndodh atij dhe familjes së tij. “Mezi prisja të dilja në pension, por ata padyshim nuk më japin qetësi. Dhe nëse duan të më kthejnë nga pensionimi, ia dolën mbanë”, tha Çanak.

Disa muaj më parë, Nenad Çanak njoftoi se regjimi po përgatiste terrenin për likuidimin e tij, duke deklaruar se djali i tij u vu fillimisht në shënjestër nga Dragan Vuçiçeviç në TV Informer, dhe më pas se ai u vu në shënjestër nga Presidenti i Serbisë, Aleksandar Vuçiç, në mënyrë që në janar 2025, pas 20 vitesh, atij iu hoq siguria policore.