Komuna e Mitrovicës së Veriut subvencionon familjet me nga 500 euro dhe fëmijët me nga 300 euro

Mitrovicë e Veriut, 30 shtator 2025

Kryetari i Komunës së Mitrovicës së Veriut, Erden Atiq, në kuadër të autorizimeve dhe kompetencave, ka marrë vendim për t’i mbështetur financiarisht çiftet e reja dhe për fëmijë të lindur gjatë vitit 2025, për të gjithë qytetarët e kësaj komune. “Këto masa të subvencionimit për çiftet e reja dhe për fëmijët e lindur gjatë vitit 2025 kanë për qëllim mbështetjen e drejtpërdrejtë të familjeve.

Ai u shpreh se kjo përkrahje financiare prej 500 euro për çiftet e reja dhe 300 euro për çdo fëmijë të lindur gjatë vitit 2025 është një investim në të ardhmen e qytetit dhe në mirëqenien e banorëve.

“Këto subvencione janë dëshmi e përkushtimit tonë për të ndihmuar të rinjtë që të ndërtojnë jetën e tyre dhe të lehtësojmë barrën financiare të prindërve të rinj. Familja është themeli i shoqërisë sonë, prandaj përkrahja e saj është prioritet i Komunës,” ka thënë kryetari Atiq