Pejë, 26 tetor 2026 07:50
Një grua është gjetur pa shenja jete mbrëmjen e së dielës në fshatin Vitomiricë të Pejës, ndërsa dyshohet se vdekja e saj ka ardhur si pasojë e goditjeve me një mjet të fortë.
Sipas njoftimit të Policisë së Kosovës, rreth orës 19:00, Stacioni Policor në Pejë ishte njoftuar për një rast të dhunës në familje në këtë fshat.
“Viktima është shoqëruar në stacionin policor, ku është intervistuar. Po ashtu, është arrestuar dhe intervistuar edhe personi i dyshuar (bashkëshorti i viktimës), i cili është ndalur në mbajtje për 48 orë. Viktima, me vullnetin e saj, është dërguar në shtëpinë e saj në fshatin Vitomiricë”, thuhet në njoftimin e policisë.
Rreth orës 21:10, policia është njoftuar se gruaja është gjetur pa shenja jete.
“Në vendin e ngjarjes kanë dalë njësitë përkatëse policore dhe ekipi mjekësor, i cili ka konstatuar vdekjen e viktimës”, thuhet tutje në njoftim.
Policia ka bërë të ditur se, bazuar në të dhënat fillestare, dyshohet se vdekja e saj ka ardhur si pasojë e goditjeve me një mjet të fortë.
“Personi i dyshuar për rastin e dytë (i cili dyshohet se është kunati i saj) ndodhet në arrati”, ka njoftuar policia.
Për rastin është njoftuar Prokurori i Shtetit, i cili ka dalë në vendin e ngjarjes.
Aktualisht po ndërmerren veprimet e nevojshme hetimore për sqarimin e plotë të rrethanave të rastit, si dhe për lokalizimin dhe arrestimin e personit të dyshuar.

Aksident fatal te Stacioni i Autobusëve, humb jetën një këmbësore
Prokuroria Speciale dhe Policia e Kosovës zhvillojnë aksion në disa lokacione
Sekuestrohen armë zjarri në Zubin Potok, arrestohen dy persona
Dyshohet për vrasje të rëndë në Gjilan, arrestohet 65-vjeçari
Gjenden të vdekur një 27-vjeçar dhe një foshnje në Demiraj të Gjilanit
Kërcënohen me vrasje Ramush dhe Daut Haradinaj
20 lokacione të hulumtuara në Kosovë, mbi 1 mijë e 500 të zhdukur nga lufta
Kosova forcon bashkëpunimin juridik me Suedinë dhe Belgjikën
Policia sekuestron dokumente të dyshuara të strukturave paralele serbe në Bërnjak
Ligji për Specialen rikthehet sot në Kuvend, në ora 11:00 pritet të vendoset për votimin