Publikohet udhëzuesi për hyrje, lëvizje, qëndrim dhe punësim në Kosovë

Prishtinë 22 Shtator 2025

Policia e Kosovës ka njoftuar qytetarët e Republikës së Kosovës si dhe shtetasit e huaj që ndodhen ose planifikojnë të vizitojnë vendin, se janë publikuar broshurat informuese digjitale mbi rregullat e hyrjes, lëvizjes, qëndrimit dhe punësimit të të huajve në Republikën e Kosovës, në përputhje me Ligjin për të huajt.

Këto broshura janë përgatitur me qëllim që t’i ofrojnë publikut informacion të qartë dhe të saktë mbi procedurat ligjore që lidhen me hyrjen dhe qëndrimin e shtetasve të huaj, si dhe mundësitë e punësimit në territorin e Kosovës.

Materialet janë të qasshme përmes faqes zyrtare të Policisë së Kosovës si dhe në rrjetet sociale zyrtare të institucionit.

Policia e Kosovës fton të gjithë qytetarët dhe vizitorët e huaj që të konsultojnë këto udhëzues, me qëllim të informimit të drejtë dhe respektimit të rregullave ligjore.

Broshurat mund të lexohen këtu: https://www.kosovopolice.com/…/09/DCAM_Brochure_ALB.pdf