Prishtinë, 08 shtator 2025
Misioni i NATO-s në Kosovë, KFOR, ka njoftuar se ushtarët gjermanë nga Komanda Rajonale Lindje kanë kryer së fundmi një trajnim me qëllim përmirësimin e aftësisë së tyre për të zbuluar, ndjekur dhe neutralizuar dronët.
Sipas njoftimit të lëshuar nga KFOR-i, kjo është aftësi gjithnjë e më e domosdoshme në skenarin e sigurisë.
Tutje bëhet e ditur se stërvitja është përqendruar në sistemin ËINGMAN për të identifikuar dronët dhe për të gjurmuar operatorët e tyre, dhe në HP-47 për të kapur dhe çaktivizuar UAV-të.
“Stërvitje të tilla rrisin aftësinë teknike individuale, duke theksuar rëndësinë e koordinimit, punës në grup dhe përshtatshmërisë në përballimin e kërcënimeve ajrore në zhvillim. Kjo ekspertizë unike zgjeron fushëveprimin e misionit të KFOR-it, duke rritur aftësinë e tij për t’u përballur me sfidat në rritje të sigurisë”, thuhet në njoftim.
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Nis hetimi parlamentar për vrasjen e Arlinda Zekajt, nëntë ditë pas ngjarjes 
Kurti: Eksporti është rritur për 27.5 për qind krahasuar me vitin 2021 
Mbi 2 mijë të mbijetuar me status zyrtar, drejtësia mbetet sfidë 
Emrat e të dyshuarve: Serbë që dyshohet se morën pjesë në krime lufte 
Ministria e Kulturës ndan afro 200 mijë euro për restaurimin e Përmendores së Minatorëve në Mitrovicë