Fundjava me diell dhe temperatura verore

Prishtinë, 06 shtator 2025

Fundjava pritet të kalojë me kushte të favorshme atmosferike në të gjithë vendin. Temperaturat me të larta për vikend pritet të shkojnë deri në 30 Gradë Celsius.

Sipas Institutit Institutit Hidrometeorologjik të Kosovës, ditën e shtunë do të mbizotërojë mot kryesisht i kthjellët me diell gjatë pjesës më të madhe të ditës, duke krijuar mundësi të mira për aktivitete në natyrë.

Temperaturat minimale do të jenë nga 6°C deri në 10°C, ndërsa maksimalet do të arrijnë 27°C deri në 30°C. Era do të fryjë e lehtë, kryesisht nga jugperëndimi me shpejtësi 1–3 m/s.

Edhe e diela, sipas IHK-së, do të vijojë me kushte të ngjashme. Moti do të jetë me diell dhe herë pas here me vranësira kalimtare, kryesisht në relievet malore. Nuk përjashtohen riga lokale shiu në zona të kufizuara.

Temperaturat minimale do të lëvizin nga 11°C deri në 14°C, ndërsa maksimalet do të arrijnë 26°C deri në 30°C. Era do të fryjë nga jugperëndimi me shpejtësi 1–4 m/s.