Uashington, 22 gusht 2025
Presidenti i SHBA-së, Donald Trump, ka thënë të enjten se perspektiva për paqe mes Ukrainës dhe Rusisë do të bëhet më e qartë “brenda dy javësh”.
Duke folur për radioprogramin “The Todd Starnes Show”, Trump u pyet për luftën në Ukrainë.
“Do të thojsha se brenda dy jave, do të dimë në një mënyrë ose në një tjetër. Pas kësaj, ndoshta do të duhet të ndjekim një taktikë tjetër, por do të shohim. Do ta dimë shumë shpejt”, ka thënë Trump.
Trump gjatë një interviste në “ABC” të mërkurën ka lënë të kuptohet se po tërhiqet prë momentin nga organizimi i një takimi trepalësh mes tij, presidentit rus Vladimir Putin dhe atij ukrainas Volodymyr Zelensky.
Ai ka thënë se faza tjetër në rrugën drejt marrëveshjes, mbetet një takim bilateral mes Putinit e Zelenskyt.
E në një postim në “Truth Social”, Trump, i ka ofruar këshilla Ukrainës që të hidhet në ofensivë.
“Është shumë e vështirë, nëse jo e pamundur, të fitosh një luftë pa e sulmuar shtetin e pushtuesit. Është sikur një ekip i madh në sport që ka një mbrojtje fantastike, por nuk lejohet të luajë në sulm. Nuk ka gjasa të fitojë! Kështu është edhe me Ukrainën e Rusinë”, ka shkruar Trump.
Miliband: Rusia nuk po e fiton luftën në Ukrainë 
Sulm me dron rus në stacionin hekurudhor në Dnipro, 13 të vrarë dhe 10 të plagosur 
Shkon në 64 numri i viktimave nga përplasja e trenave në Spanjë 
Tragjedi hekurudhore në Spanjë, 46 të vdekur nga përplasja mes trenave 
Trump mund të urdhërojë sulm të ri ndaj Iranit, ushtria amerikane në gatishmëri 
Melania Trump ndërmjetëson armëpushimin mes Rusisë dhe Ukrainës në një qytet 
Rusia e zhvendos luftën përtej frontit, sa e përgatitur është Kosova për kërcënimet hibride? 
Dyshohet për vrasje të rëndë në Gjilan, arrestohet 65-vjeçari 
Kurti: Eksporti është rritur për 27.5 për qind krahasuar me vitin 2021 
Gjenden të vdekur një 27-vjeçar dhe një foshnje në Demiraj të Gjilanit