CNN – Christiane Amanpour rrëfen: “Arkani deshi të më rrëmbente për raportimet mbi Bosnjën dhe Kosovën”

20 gusht 2025

Gazetarja e njohur e CNN-it, Christiane Amanpour, ka zbuluar një episod të rrezikshëm nga periudha e luftërave në ish-Jugosllavi, kur për pak sa nuk u bë peng i njërës prej figurave më famëkeqe të kohës, Zhelko Raznatoviq – i njohur si Arkani.

Amanpour ka treguar se raportimet e saj kritike mbi politikat gjenocidale të forcave serbe në Bosnjë dhe paralajmërimet për konfliktin e afërt në Kosovë e kishin vënë në shënjestër të njësive paramilitare të Arkanit.

“Isha duke raportuar me tone shumë të ashpra për politikat gjenocidale të serbëve në Bosnjë dhe për atë që ishte e pashmangshme në Kosovë. Për pak sa nuk përfundova peng e tij,” ka thënë Amanpour.

Arkani, i konsideruar si një nga kriminelët më të njohur të luftës në Ballkan, akuzohet për mizori të shumta ndaj civilëve gjatë konflikteve në rajon.