Me kërkesë të Komunës, largohet terasa ilegale e kafiterisë së Milan Radojiçiqit

Mitrovicë Veriore, 13 Gusht 2025

Gjatë ditës së sotme me kërkesë të Komunës së Mitrovicës së Veriut është larguar terrasa e vendosur ilegalisht në kafiterinë kryeterroristit, Milan Radojiçiq.

Inspektorati i Komunës ka larguar terrasën që ishte në sheshin “Car Lazar”, e që në katin e sipërm janë selitë e Listës Serbe.

Lidhur me këtë, zëvendësdrejtori për veriun e Kosovës, Veton Elshani ka bërë të ditur në emisionin “Mesditë” se njësitë policore kanë qëndruar aty gjatë aksionit, por që s’ka pasur nevojë për asistencë.

“Ne kemi informacion që dje ka shkuar Inspektorati i Punës atje që ta jap një vendim për largim të asaj terrase. Policia ka pasur informacion për këtë vendim, pasi që edhe vetë kemi qenë prezentë aty. Nuk ka pasur nevojë që ne me asistu Inspektoratin në marrje të ndonjë veprime për arsye se janë duke u kryer veprimet. Nuk është diçka e jashtëzakonshme që ne me ofrua asistencë sa herë që institucionet e Republikës së Kosovës kërkojnë të njëjtën gjë nga ne. Por, në këtë rast nuk ka ndodh”, tha ai.