Zjarri i madh në Kçiq – shtëpitë në rrezik, zjarrfikësit në terren 

Në fshatin Kçiq ka shpërthyer një zjarr, shkaqet e të cilit ende nuk dihen. Flakët po përhapen me shpejtësi, ndërsa tymi i dendur ka mbuluar një pjesë të vendbanimit. Banorët, së bashku me ekipet e zjarrfikësve që ndodhen tashmë në terren, po përpiqen të vendosin zjarrin nën kontroll dhe të parandalojnë përhapjen e tij në shtëpitë e banimit.

Sipas informacioneve të para, disa shtëpi janë në rrezik të menjëhershëm. Është kërkuar edhe ndihma e KFOR-it për të menaxhuar situatën dhe për të shmangur pasojat më të mëdha.

Deri më tani nuk ka të dhëna për persona të lënduar, ndërsa shërbimet përkatëse u bëjnë thirrje banorëve që të tregohen të kujdesshëm dhe të largohen nga zonat e rrezikuara.