Përderisa SHBA vazhdon të kërkojë që aleatët europianë të marrin më shumë përgjegjësi për sigurinë e tyre, tre zyrtarë amerikanë, një perëndimor dhe një burim nga NATO kanë thënë se presidenti amerikan Donald Trump do të vazhdojë të ruajë traditën e emërimit të një gjenerali amerikan në krye të NATO-s, të paktën për momentin.
Sipas një raportimi të Reuters, bazuar në burime, presidenti Trump ia ka komunikuar vendimin personalisht Sekretarit të Përgjithshëm të NATO-s, Mark Rutte. Ndërsa, zyrtarët kanë thënë se emri më i përfolur për t’u emëruar si komandant i ri suprem i NATO-s në Europë (SACEUR) dhe njëkohësisht komandant i Komandës Evropiane të SHBA-së (EUCOM) është gjenerali i Forcave Ajrore, Alexus Grynkewich.
Kujtojmë se pozicioni i SACEUR, i cili mbikëqyr të gjitha operacionet e NATO-s në Europë, është mbajtur gjithmonë nga një gjeneral amerikan që nga krijimi i alencës pas Luftës së Dytë Botërore.
E edhe pse ende nuk ka pasur ndonjë koment zyrtar nga Pentagoni, Shtëpia e Bardhë apo NATO, Reuters shkruan se ky vendim pritet të qetësojë aleatët europianë të NATO-s, si dhe disa nga vetë republikanët e Trump, të shqetësuar nga qëndrimet e ashpra të Uashingtonit ndaj Europës që është parë si sinjal i mundshëm për një tërheqje të shpejtë nga udhëheqja ushtarake amerikane në Europë.
Raportohet poashtu se zyrtarët kanë theksuar se paralajmërimet e SHBA-së për nevojën e një zhvendosjeje të fokusit drejt Azisë dhe sigurisë kombëtare janë të sinqerta. Bëhet e ditur se edhe pse ende nuk është marrë ndonjë vendim, administrata Trump ka diskutuar mundësinë e reduktimit të trupave në Europë, ku aktualisht ndodhen rreth 80,000 ushtarë amerikanë.
Rikujtojmë se që nga marrja e detyrës në janar, administrata Trump ka ushtruar presion të madh ndaj vendeve europiane për të rritur shpenzimet për mbrojtje, duke argumentuar se Europa duhet të jetë përgjegjëse për mbrojtjen e vet. Ndërkohë, brenda administratës janë zhvilluar diskutime edhe për mundësinë që roli i komandantit suprem të kalojë te një vend europian në të ardhmen.
Haxhiu sot pret në takim kryetarin e KQZ-së pas shpërndarjes së Kuvendit 
Policia: Kampi “Enver Zymeri” i plotëson të gjitha kushtet e nevojshme 
FSK-ja viziton shërbimin mjekësor të Bundeswehrit gjerman 
Emrat e rrugëve në Tetovë nën shqyrtim të Gjykatës Kushtetuese 
Kurti: Kosova sot ka ushtrinë, që është amanet i Adem Jasharit 
Sinani takon ambasadorin Jashari, diskutojnë për zhvillimet në Preshevë 
Hyn në fuqi marrëveshja, sërish lëvizje e lirë kufitare mes Shqipërisë dhe Kosovës 
Haxhiu: E mirëpres prezantimin e rezolutës në Kongresin Amerikan në mbështetje të anëtarësimit të Kosovës në NATO 
BE pezullon të gjitha pagesat financiare për Serbinë 
Publikohen çmimet e derivateve për sot në Kosovë