Letra e vitit 1999 që dokumenton gjuhën e urrejtjes ndaj shqiptarëve gjatë luftës në Kosovë

Prishtinë, 23 tetor 2026 08:35

Instituti për Krimet e Kryera Gjatë Luftës në Kosovë ka publikuar një letër të gjetur gjatë luftës, e cila mban emrin dhe nënshkrimin e doktorit Bojan Mihajlović dhe u drejtohej ushtarëve serbë. Përmbajtja e saj përfshin gjuhë urrejtjeje dhe një shprehje që dehumanizon shqiptarët.

Sipas institutit, letra ishte gjetur nga pjesëtarë të Ushtrisë Çlirimtare të Kosovës (UÇK) në një hapësirë ku më parë kishin qëndruar forcat serbe.

Dokumenti u filmua më 23 prill 1999 në Karaullë nga reporteri Paul Refsdal, duke ruajtur një dëshmi të shkruar të gjuhës së përdorur ndaj shqiptarëve gjatë luftës në Kosovë.

Në letrën që mban emrin e Bojan Mihajloviqit shkruhet:

“Vetëm edhe diçka të të them, patjetër kur të vish, sille prej andej një kufomë shqiptari, që t’ia varë gomën në qafë, sepse tani nuk ka asnjë skelet.”

Publikimi i këtij dokumenti rikthen vëmendjen te dëshmitë që dokumentojnë gjuhën e urrejtjes dhe trajtimin çnjerëzor të shqiptarëve gjatë luftës së viteve 1998–1999 në Kosovë.

Letra, e dokumentuar në prill të vitit 1999, mbetet një material që mund të shërbejë për dokumentimin dhe studimin e dëshmive të periudhës së luftës.