Hagë, 30 korrik 2025
Kriminelit të luftës Ratko Mladiq i është refuzuar kërkesa për lirim të parakohshëm nga Mekanizmi Ndërkombëtar Ndihmës për Gjykatat Penale.
Mladiq, i dënuar me burgim të përjetshëm për gjenocid, krime kundër njerëzimit dhe shkelje të ligjeve të luftës gjatë luftës në Bosnjë e Hercegovinë, kishte paraqitur më 2 qershor një kërkesë për lirim, duke u mbështetur në gjendjen e tij të rënduar shëndetësore dhe në një sëmundje të pashërueshme që, sipas tij, do t’ia përshpejtonte vdekjen, raportoi portali Klix.ba.
Megjithatë, në vendimin e Mekanizmit thuhet se ndonëse shëndeti i tij është përkeqësuar për shkak të moshës dhe sëmundjes, ai mbetet në gjendje stabile dhe nuk përmbush kriteret për lirimin humanitar.
Mladiq u arrestua në Serbi në vitin 2011 dhe më 2017 u shpall fajtor nga Tribunali Ndërkombëtar për ish-Jugosllavinë. Dënimi i tij me burgim të përjetshëm u konfirmua në vitin 2021. Ai ndodhet në njësinë e paraburgimit të Kombeve të Bashkuara në Hagë tashmë prej 14 vjetësh.
Ministria e Infrastrukturës: Po vazhdojnë punimet për mirëmbajtjen e autoudhës 
Mbi 1 mijë aplikantë më shumë se vitin e kaluar në Universitetin e Prishtinës 
Kurti: Nga 1 tetori nis faturimi i ujit në veri 
Kurti nga veriu: Asnjë kriminel nuk do të lejohet që të mbijetojë i pandëshkuar 
Kurti pas homazheve te memoriali i policëve të rënë në detyrë: Kosova është më e sigurt se kurrë 
Krerët e shtetit bëjnë homazhe pranë Lapidarit të Policëve të rënë 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe?