Prishtinë 28 korrik 2026 11:50
Prokuroria Speciale e Kosovës pritet që gjatë ditës së sotme të paraqesë kërkesë për caktimin e masës së paraburgimit ndaj dy personave të ndaluar në Zubin-Potok, të dyshuar për veprën penale “Krime lufte kundër popullsisë civile”.
Lajmi është konfirmuar nga zëdhënësja e Prokurorisë Speciale, Abnora Luta.
Të ndaluarit, me inicialet M.J. dhe M.B., dyshohen në lidhje me rastin e varrezës masive të zbuluar në Zubin-Potok, ku janë gjetur mbetje mortore që dyshohet se u përkasin 23 intelektualëve nga Mitrovica, të ekzekutuar nga forcat serbe gjatë luftës në vitin 1999.
Sipas Prokurorisë Speciale, me urdhër të Gjykatës Themelore në Prishtinë dhe me kërkesë të prokurorit të rastit, institucionet kompetente kanë realizuar procesin e zhvarrosjes (ekshumimit), autopsisë dhe identifikimit të mbetjeve mortore në lokacionin ku u zbulua varreza masive në Komunën e Zubin-Potokut.
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Nis hetimi parlamentar për vrasjen e Arlinda Zekajt, nëntë ditë pas ngjarjes 
Kurti: Eksporti është rritur për 27.5 për qind krahasuar me vitin 2021 
Mbi 2 mijë të mbijetuar me status zyrtar, drejtësia mbetet sfidë