Zjarri në Pejë dyshohet se u shkaktua nga konflikt familjar – dëmet arrijnë 50 mijë euro
Një zjarr që përfshiu një biznes të pjesëve të automjeteve këtë të shtunë në Pejë, dyshohet se është shkaktuar nga një konflikt mes dy familjarëve.
Sipas hetimeve të para, njëri nga familjarët i ka vënë flakën disa veturave të përdorura për pjesë rezervë, pas një mosmarrëveshjeje me të afërmin e tij.
Zëdhënësi i Policisë për rajonin e Pejës, Fadil Gashi, tha për Klankosova.tv se rasti është raportuar rreth orës 11:00 në rrugën “Gani Daci”.
“Dyshohet se një person ka hyrë në pronën e të afërmit të tij dhe u ka vënë zjarrin disa automjeteve të përdorura për pjesë. Sipas viktimës, dëmi material i shkaktuar llogaritet të jetë rreth 50 mijë euro”, tha Gashi.
Në vendngjarje kanë dalë njësitë përkatëse të Policisë dhe Brigada e Zjarrfikësve, ndërsa hetimet për zbardhjen e plotë të rrethanave të ngjarjes janë në vazhdim.
Mbi 1 mijë aplikantë më shumë se vitin e kaluar në Universitetin e Prishtinës 
Kurti: Nga 1 tetori nis faturimi i ujit në veri 
Kurti nga veriu: Asnjë kriminel nuk do të lejohet që të mbijetojë i pandëshkuar 
Kurti pas homazheve te memoriali i policëve të rënë në detyrë: Kosova është më e sigurt se kurrë 
Krerët e shtetit bëjnë homazhe pranë Lapidarit të Policëve të rënë 
26 Korriku, dita kushtuar policëve që sakrifikuan jetën për Kosovën 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe?