Prishtinë, 22 prill 2026 06:42
Presidenti i Shteteve të Bashkuara, Donald Trump, ka njoftuar një zgjatje të armëpushimit me Iranin , duke thënë se ushtria amerikane do të shtyjë sulmin e planifikuar për t’i dhënë më shumë kohë Teheranit që të paraqesë një propozim për t’i dhënë fund luftës.
Trump tha se masa e së martës vjen me kërkesë të ndërmjetësve pakistanezë, shkruan Al Jazeera. Armëpushimi ishte planifikuar të skadonte të mërkurën.
“Prandaj, i kam udhëzuar ushtrinë tonë që të vazhdojë bllokadën dhe, në të gjitha aspektet e tjera, të mbetet e gatshme dhe e aftë, dhe për këtë arsye do ta zgjas armëpushimin deri në kohën kur të paraqitet propozimi i tyre dhe diskutimet të përfundojnë, në një mënyrë ose në një tjetër”, tha presidenti amerikan në një postim në rrjetet sociale.
Pa një afat specifik, deklarata e Trump sugjeron që zgjatja e armëpushimit nga pala amerikane është e pacaktuar.
Irani nuk dha një përgjigje të menjëhershme ndaj pohimit të Trump. Agjencia gjysmëzyrtare e lajmeve Tasnim tha se qëndrimi i Teheranit do të “njoftohet zyrtarisht më vonë”.
Kryeministri pakistanez Shehbaz Sharif shprehu mirënjohje ndaj Trump të martën për dakordësinë për të zgjatur armëpushimin, duke thënë se Islamabadi do të vazhdojë të shtyjë për një zgjidhje të negociuar të konfliktit.
Zbuten tensionet SHBA-Iran, çmimi i naftës bie 6.7 për qind 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi 
Miliband: Rusia nuk po e fiton luftën në Ukrainë 
Sulm me dron rus në stacionin hekurudhor në Dnipro, 13 të vrarë dhe 10 të plagosur 
Shkon në 64 numri i viktimave nga përplasja e trenave në Spanjë 
Tragjedi hekurudhore në Spanjë, 46 të vdekur nga përplasja mes trenave 
Prokuroria Speciale dhe Policia e Kosovës zhvillojnë aksion në disa lokacione 
Kosova përfaqësohet në takimin evropian të rrjeteve të ansambleve muzikore në Itali 
908 milionë euro të parapara për komunat në projektbuxhetin e vitit 2027