Prishtinë 13 Mars 2026 10:40
Komiteti i rajoneve i Bashkimit Evropian ka vendosur të heqë asteriskun dhe fusnotën nga përdorimi për Kosovën në dokumentet e tij zyrtare, me qëllim që terminologjia të harmonizohet me atë të Parlamenti Evropian.
Lidhur me këtë zhvillim ka reaguar në rrjetin social X zëvendëskryeministri i parë dhe ministri i Punëve të Jashtme, Glauk Konjufca.
Ai e ka mirëpritur vendimin e Komitetit të rajoneve për të ndërprerë përdorimin e termit “Kosova*” dhe fusnotës shoqëruese në dokumentet publike, duke theksuar se ky hap e afron këtë institucion me qëndrimin e Parlamentit Evropian dhe sjell më shumë qartësi institucionale në lidhje me perspektivën evropiane të Kosovës.
“Ne mirëpresim vendimin e Komitetit të rajoneve për të ndërprerë përdorimin e ‘Kosovo*’ dhe fusnotës shoqëruese në dokumentet e tij publike. Ky hap e rreshton Komitetin me Parlamentin Evropian dhe pasqyron një qartësi më të madhe institucionale sa i përket perspektivës evropiane të Kosovës”, ka shkruar ai.
Konjufca gjithashtu ka shprehur falënderim të veçantë për Gillian Coughlanin, kryetare e Grupit të punës për Kosovën në Komitetin e rajoneve dhe raportuese për zgjerimin, për mbështetjen e saj parimore dhe angazhimin e vazhdueshëm për Kosovën.
Ministria e Arsimit ndan mbi 103 mijë euro për abetaret e diasporës 
Haxhiu për gërmimet në Kalludër: Zhvillim i rëndësishëm në përpjekjet për ndriçimin e fatit të të zhdukurve 
Publikohet lista preliminare e të vrarëve dhe të zhdukurve në luftë 
Prokuroria Speciale pritet të kërkojë paraburgim për dy të dyshuarit pas zbulimit të varrezës masive në Zubin-Potok 
Mitrovica investon në mirëmbajtje të ndriçimit publik 
Serbia i mbajti të fshehura krimet e kryera në Kosovë- Blakaj bën thirrje për ngritje të aktakuzave