Prishtinë, 06 mars 2026 20:47
Flijimi i Familjes Jashari është flakadani që e përhapi luftën çlirimtare anë e mbanë Kosovës, tha kryeministri, Albin Kurti. Ai në akademinë përkujtimore të organizuar në 28-vjetorin e Epopesë së Ushtrisë Çlirimtare të Kosovës, tha se ajo çfarë ngjau në Prekaz i tregoi armikut serb që familja Jashari nuk mund të mposhtej për sa kohë që mbështetej nga populli.
Në emër të familjes Jashari, Zahide Jashari tha se me dhimbje dhe krenari duhet të kujtohen të gjithë fëmijët e rënë gjatë luftës në Kosovë. Ajo shtoi para të pranishmëve se brezi i ri i Jasharëve po rritet nën hijen e lavdisë dhe sakrificës.
“Ata mbetën ëndrra të ndërprera në mes, buzëqeshura të ndalura padrejtësisht. Jetë të pajetuara. Por, pikërisht në këtë dhimbje lind përgjegjësia jonë si brez i ri, ne jetojmë edhe për ta. Ne mësojmë dhe punojmë edhe në emër të tyre. Çdo arritje e jona duhet të jetë vazhdim i ëndrrave që atyre iu mohua. Çdo sukses i brezit tonë duhet të jetë dëshmi se sakrifica e tyre nuk ishte e kot. Kështu kujtimi për ta nuk mbetet vetëm plagë në ndërgjegjen tonë por shndërrohet në zotim se liria e fituar me gjak do të mbushet me dije, drejtësi dhe me dinjitet. Një dijetar i lashtësisë është shprehur se ‘kur uji bie në dhe shndërrohet në baltë, ndërsa kur gjaku bie në dhe shndërrohet në atdhe’. Me këtë thënie qëndron e përmbledhur historia jonë, atdheu ynë është i larë me gjakun e bijave dhe bijve më të mirë të tij. Prandaj ai nuk është thjesht tokë është amanet, është besë, është përgjegjësi brezash”, tha ajo.
12.230 të vrarë në luftën e Kosovës, Instituti fton qytetarët të plotësojnë listën e viktimave 
Një muaj paraburgim për dy të dyshuarit për krime lufte në Zubin-Potok 
Ministria e Arsimit ndan mbi 103 mijë euro për abetaret e diasporës 
Haxhiu për gërmimet në Kalludër: Zhvillim i rëndësishëm në përpjekjet për ndriçimin e fatit të të zhdukurve 
Publikohet lista preliminare e të vrarëve dhe të zhdukurve në luftë 
Prokuroria Speciale pritet të kërkojë paraburgim për dy të dyshuarit pas zbulimit të varrezës masive në Zubin-Potok 
Aksidenti i rëndë në autostradën “Ibrahim Rugova”, shtatë persona të lënduar 
Haxhiu kërkon dënimin e retorikës serbe