Prishtinë, 05 mars 2026 21:27
Sot është bërë rreshtimi i kuadrateve të Forcës së Sigurisë së Kosovës, në shënim të 28-vjetorit të Epopesë së UÇK-së. Aty morën pjesë krerët shtetërorë, ku presidentja Osmani tha se FSK është trashëgimtare e UÇK-së, derisa kryeministri Kurti tha se epopeja përfaqëson momentet më të rëndësishme të historisë moderne.
“Sot krenaria jonë nuk qëndron vetëm në të kaluarën. Ajo marshon para nesh me uniformë moderne, me profesionalizëm të lartë dhe me përkushtim të palëkundur ndaj Republikës sonë. Forca e Sigurisë së Kosovës është trashëgimtare denjë e UÇK-së. Ajo bart në zemër idealin e lirisë dhe në duar mban përgjegjësinë e sigurisë së vendit”, tha Osmani.
Fjalim para të pranishmëve, mbajti edhe kryeministri Albin Kurti, i cili tha se “Epopeja e UÇK-së”, përfaqëson një nga momentet më të rëndësishme në historinë moderne të Kosovës.
”Mes tyre, Adem e Hamëz Jashari ishin dy emrat e përveçëm mbi figurat e të cilëve do të bartej lavdia e asaj rezistence dhe frymëzimi prej luftës së tyre për lirinë e Kosovës. Para më shumë se 30 vitesh Adem dhe Hamëz Jashari së bashku me shokët e tyre i filluan organizimet e para për një ushtri të Kosovës që më pas do quhej Ushtria Çlirimtare e Kosovës”, u shpreh Kurti.
Policia: Krimet e luftës të raportohen vetëm te Drejtoria për Hetim 
Edhe 30 ditë paraburgim pjesëtarit serb të MUP-it, V.M. dyshohet se kidnapoi Milan Vukashinoviqin në Leposaviq 
Arrestohet një shtetas turk, i dyshuar për pjesëmarrje në Masakrën e Krushës 
Haxhiu: Nuk lejojmë gjyqtarë dhe prokurorë nën urdhrat e Serbisë 
Haxhiu: Ish-gjyqtarë dhe ish-prokurorë serbë kanë marrë pagesa nga Serbia edhe gjatë kohës në institucionet e Kosovës 
Paralajmëron aksione të reja kundër ndërtimeve pa leje rreth Batllavës dhe Badovcit 
Paunoviq mbron deklaratën për “spastrim etnkik” të Kosovës