Suharekë, 12 Korrik 2025
Nuk janë të rralla rastet kur fëmijët bien viktimë e rrethanave tragjike brenda ambienteve familjare, që për pak çaste mund të kthehen në skenë fatkeqësie. Një ngjarje e tillë e rëndë ka ndodhur edhe në fshatin Gjinoc të Suharekës, ku një foshnje 9 muajshe ka ndërruar jetë në rrethana të dyshimta, pas një incidenti të ndodhur më 29 qershor.
Gazeta Sinjali mëson se fillimisht foshnja ishte dërguar në Emergjencën e Spitalit Rajonal në Prizren, pasi ishte hasur pa shenja jete në djep nga gjyshi i saj, S.S, i cili kishte vërejtur se ajo ishte e lidhur me lidhëse të djepit. Gjyshi kishte ndërhyrë menjëherë për t’ia hequr lidhësen, duke alarmuar familjarët, të cilët më pas e kishin dërguar vajzën për trajtim mjekësor.
Pas ndihmës së parë në Prizren, ajo ishte transferuar në QKUK në Prishtinë. Fatkeqësisht, dje më 11 korrik 2025 rreth orës 15:30, familjarët kanë njoftuar se foshnja kishte ndërruar jetë.
Prokurori kujdestar ka urdhëruar që trupi i të ndjerës të dërgohet për autopsi në Institutin e Mjekësisë Ligjore në Prishtinë, ndërsa rasti është iniciuar si “Vdekje e dyshimtë” dhe hetimet po udhëhiqen nga Sektori Rajonal i Hetimeve në Prizren.
Begaj: Bostoni, mbështetje e fortë për Shqipërinë e Kosovën 
Haxhiu shpreh solidaritet me popullin amerikan pas sulmit në Uashington 
Inspektimet në ndërtimtari, për dy ditë në 27 raste u ndaluan punimet 
Masa të rrepta për testin e maturës, deri 20 mijë euro gjobë për ata që “ndihmojnë” nxënësit të kopjojnë 
KEK-u thotë se është stabilizuar sistemi i elektrofiltrave në “Kosova A” 
Hetime për ndotjen e ajrit në Obiliq, Prokuroria autorizon Policinë për rastin e KEK-ut 
Taktizime politike për presidentin, analistët paralajmërojnë zgjedhje 
Balidemaj: Siguria në Kosovë mbetet e rëndësishme për Gjermaninë