U sulmua dhe u rrah avokati nga Zubin Potoku, Budimir Mijaçiq

Zubin Potok, 25 shkurt 2026 10:26

Avokati Budimir Mijaçiq u sulmua dhe u rrah në Zubin Potok nga persona deri më tani të panjohur.

Mijaçiq, është i njohur për publikun për përfshirjen e tij në disa raste në të cilat ai përfaqësoi klientët që kishin konteste gjyqësore me të ashtuquajturën Zyra për Kosovë. Sipas informacioneve në dispozicion, incidenti ndodhi në mbrëmje, kurse Mijaçiq pësoi lëndime fizike për të cilat mori ndihmë mjekësore. Për momentin, nuk ka detaje zyrtare rreth rrethanave të sulmit ose identitetit të sulmuesit.

Sulmi ndaj avokatit shkaktoi shqetësim në komunitetin vendas, veçanërisht duke pasur parasysh përfshirjen e tij në raste të ndjeshme dhe politikisht të rëndësishme.

Veritasinfo ka pyetur policinë e Kosovës lidhur me rastin. Zëvendëskomandanti i Policisë së Kosovës për rajonin e veriut, Veton Elshani, ka thënë se nuk ka rast të paraqitur lidhur me rrahjen e avokatit Mijaçiq.

“Sa u përket pretendimeve lidhur me rrahjen e avokatit Mijaçiq, në Policinë e Kosovës nuk ka rast të paraqitur”, ka thënë Elshani për Veritasinfo.

Ndërkohë, pritet që autoritetet kompetente të kryejnë një hetim dhe të përcaktojnë të gjitha rrethanat lidhur me këtë rast.