I dyshuari për vrasje të rëndë bie nga ndërtesa në përpjekje për t’i shpëtuar arrestimit – përfundon në Klinikën Emergjente

I dyshuari për vrasje të rëndë bie nga ndërtesa në përpjekje për t’i shpëtuar arrestimit – përfundon në Klinikën Emergjente

Forca të shumta të Policisë së Kosovës janë vendosur në hyrje të Klinikës Emergjente të QKUK-së, ku është dërguar një person i dyshuar për vrasje të rëndë.

Sipas Policisë, i dyshuari është lënduar pasi dyshohet se ka rënë nga një ndërtesë banimi në lagjen e Spitalit në Prishtinë, teksa po tentonte t’i shmangej arrestimit.

Ngjarja ka ndodhur mbrëmjen e së enjtes në rrugën “Vëllëzërit Asllani”, ndërsa në vendin e ngjarjes kanë ndërhyrë njësitë e emergjencës, përfshirë autoambulancën, forenzikën dhe Policinë e Kosovës.

I dyshuari ndodhet në kujdes intensiv, ndërsa hetimet janë në vazhdim për të zbardhur rrethanat e plota të rastit.