Komuna e Prishtinës siguron banesa me qira për familjet e prekura nga vërshimet

Prishtinë, 13 janar 2026 18:31

Kryetari i Prishtinës, Përparim Rama, ka njoftuar se Komuna ka siguruar banesa me qira për familjet e prekura nga vërshimet, shpenzimet e të cilave do të mbulohen nga Kryeqyteti për një periudhë prej gjashtë muajsh.

Përmes një postimi në Facebook, Rama ka bërë të ditur se ka vizituar disa nga familjet e evakuuara nga Drejtoria për Siguri dhe Emergjenca në Kryeqytet.

Ai ka theksuar se Komuna e Prishtinës do të vazhdojë të jetë e angazhuar për sigurinë dhe mirëqenien e qytetarëve.

“Për familjet e prekura nga vërshimet kemi siguruar banesa me qira, të cilat Kryeqyteti do t’i mbulojë për gjashtë muaj. Sot vizitova disa nga familje të evakuara nga Drejtoria për Siguri dhe Emergjenca në Kryeqytet. Do të vazhdojmë të jemi të angazhuar për sigurinë dhe mirëqenien e qytetareve të Kryeqytetit”, ka njoftuar Rama.